• orloo-banner12
  • 1200x120 banner
Нэвтрэх / Бүртгүүлэх

Сүүлд нэмэгдсэн мэдээлэл

МОСКВА. /Оросын дуу хоолой/. Суданы Дарфур мужид алтны уурхай нурсны улмаас хэдэн арван хүн амь үрэгдсэн тухай тус мужийн захирагч мэдэгдлээ. Тус бүсэд өнгөрсөн нэгдүгээр сараас эхлэн алтны төлөө тэмцэл болж байгаа бөгөөд энэ нь тус бүсэд ойрын хэдэн жил болоогүй үймээнийг үүсгээд байгаа юм.

Уурхайн ослоор 60 гаруй хүний амь эрсэдсэн, аврах ажиллагаа үргэлжилсээр байгаа тухай Хойд Судан мужийн Жэбэл Амир хотын комиссар Харун аль-Хассан мэдэгджээ.


Энэ долоо хоногт уурхай нурсны улмаас 60 гаруй уурхайчин амиа алдсан. Жэбэл Амир хотын ойролцоо өнгөрсөн нэгдүгээр сард алтны төлөө омог хоорондын тэмцэл эхэлсэн. Мөргөлдөөнд хэд хэдэн хүн амиа алдсан тул уурхайг түр хаагаад, дахин нээтэл ийм осол гарсан тухай цагдаагийн ажилтан Ахмед Амр тайлбарлалаа.
Уурхай даваа гарагт нурсан боловч нийслэл Хартумд мэдээлэл дөнгөж өнөөдөр хүрснээр аврах ажиллагаа оройтсон гэж нутгийн парламентын гишүүн мэдэгдсэн байна
Судан даяар хагас сая бичил уурхайчид алтны эрэлд гарсан байдаг бөгөөд өнгөрсөн онд 2,5 тэрбум долларын алтыг Судан улс экспортолжээ.
Суданы баруун нутгийн Дарфур мужид 2003 онд араб бус, зэвсэглэсэн босогчид Засгийн газрын эсрэг боссоноос хойш тус бүсийн ихэнх нутагт хууль дүрэм үйлчлэхээ болиод байгаа юм.
Дэлхийн хамгийн том энхийг сахиулах ажиллагааны ЮНАМИД тус бүсэд байрлаж байгаа хэдий ч Суданы арми болон босогчдын хоорондын зөрчил тэр үеэс хойш өнөөг хүртэл үргэлжилсээр байна. Үүний хажуугаар омог хоорондын болон дээрэмчид хоорондын мөргөлдөөн тасрахгүй байна.


Л.Урангуа

zaroruul

mon tsa