• orloo-banner12
  • 1200x120 banner
Нэвтрэх / Бүртгүүлэх

Шинээр нэмэгдсэн мэдээ

salalt

"Салалт" (Өгүүллэг)

in T.Бум-Эрдэнэ

Их уншигдсан

    Үйлдвэр, Хүнс хөдөө аж ахуйн яамны Төрийн нарийн бичгийн дарга Х.Золжаргал өнөөдөр нөөцийн махны чанар, үнийн маргаантай асуудлаар тайлбар хийлээ.
    Тэрээр хэлэхдээ, "Нөөцийн махыг бэлтгэсэн үнээс нь доогуур үнээр зарах боломжгүй. Харин бид махны тогтвортой үнийг барихад голлон анхаарч байна. Зах зээлийн үзүүлэлтэд заасны дагуух өртгөөр худалдаална. Харин ашгийн төлөө цөөн худалдаачид хуурамч хомсдол үүсгэж махны үнийг огцом хөөргөдөг. Үүнийг хяналт шалгалт хийж таслан зогсоох тал дээр бид ажиллах ёстой" гэлээ. Өнөөдөр 1кг үхрийн мах 8900 төгрөг болж нэмэгдсэн. Гэтэл нөөцийн мах бэлтгэхийн тулд улсаас 80 гаруй тэрбум төгрөг зарцуулдаг атал үнийг тогтвортой барьж чадахгүй байгаа юм. Үүний учир шалтгааныг хөлдөөгөөгүй, шинээр нь зах зээлд нийлүүлж байгаа учраас хөлдөөж хадгалсан махнаас ахиу үнэтэй байдаг хэмээн албаныхан мэдэгдэв.


     Нөөцийн мах өндөр үнээр зарагдаж байгаа гэх "Меркури", "Баянзүрх", "Бөмбөгөр", "Гуравдугаар хороолол" захын удирдлагууд түрээслэгчдийн эрх ашгийг хамгаалах үүднээс нөөцийн мах зарах лангуу гаргаж өгч чадахгүй гэжээ. Тиймээс эдгээр захын ойролцоо нөөцийн мах худалдаалах цэг байгуулахаар ажиллаж байгаа юм байна. Нийслэлийн хэрэглэгчийн эрх ашгийг хамгаалах нийгэмлэгийн гүйцэтгэх захирал И.Тойвгоо, "Манай байгууллага хөндлөнгийн хяналт тавьж хэрэглэгчдийн эрх ашгийг хамгаалдаг. Энэ жилийн хувьд махны чанар сайн байна. Гэхдээ мал аж ахуй зонхилдог манай улсад нөөцийн мах нийлүүлдэг тогтолцоо нь өөрөө алдаатай бодлого юм" гэлээ.
     Үхрийн 1 кг махны бөөний үнэ 5700, ястай нь 6800, цул нь 7800 төгрөгөөр тус тус зарагдахаар тогтоогджээ. Одоогоор нийслэл хотноо нөөцийн мах зарах 320 цэг ажиллаж байна.
Б.Нарангэрэл

Montsame

zaroruul

mon tsa