Манайд Ирээрэй-Отгонжаргал

Манайд Ирээрэй нэвтрүүлгийн өмнөх дугааруудаас үзэгчид та бүхэн нэвтрүүлгийн маань зорилгыг бага ч болов олж харсан бизээ. Бид гадаадад одоогийн байдлаар зөвхөн Америкт ажиллаж амьдарч байгаа хүмүүс маань хэрхэн амьдарч, юу хүсэж мөрөөдөж, яаж амжилтанд хүрч бас ямар бэрхшээлтэй зүйлс тэдэнд тулгарч байгааг нь харуулж гадаадад байгаа Монголчуудаа хооронд нь холбох зорилготой юм. Биднийг урьсан аль ч мэргэжлийн хүмүүс бүгд мэргэжлийнхээ ажлыг хийж байгаа ч бай үгүй ч бай өөрсдийн мэргэжилтэй холбоотой Монголдоо хэрэгжүүлчихээр санаа оноо, ажигласан зүйлсээ бидэнтэй ярилцаж хуваалцдаг билээ. Энэ удаад биднийг урьсан Отгонжаргал эгч хэдийгээр өнөөдөр Америкт мэргэжлийн бус ажлаа хийж яваа ч чөлөөт цагаараа аль болох өөрийгөө ч тэр хүүгээ ч тэр хөгжүүлэх эрмүүн хүсэлтэй нэгэн ажээ. Тэрээр бидэнд дуулж, хөгжимдөж, шүлгээ уншиж, зурсан зургаа үзүүлж, ажигласан зүйлсээ ярьж хуваалцсан юм. Та бүхэн энд дарж нэвтрүүлгээ үзнэ үү.